Sümük ağrılarının səbəbi nə zaman endokrinoloji ola bilər?

Sümük ağılarının səbəbləri müxtəlifdir. Bu səbəblərin mühüm bir qismi endokrinoloji səbəblərdir. Bunların içərisində ən başlıcası osteoporozdur. Osteoporoz simptomsuz bir xəstəlikdir. Asimptomatik gedişli osteoporoz birdən sınıqlarla qarşımıza çıxa bilər. Sümük sınıqları olan xəstələrdə mütləq osteoporoz xəstəliyi ağla gəlməlidir. Bundan başqa müxtəlif oynaq xəstəlikləri, qaraciyər, böyrək xəstəlikləri, qalxanvari vəzinin xəstəlikləri, xüsusən zəhərli zob adalanan tireotoksikoz halları, akromeqaliya xəstəliyi, Kuşinq xəstəliyi kimi oxşar endokrinoloji, adrenal qaynaqlı problemlər, sümük ağrılarına, sümük sınıqlarına və müxtəlif oynaq ağrılarına səbəb ola bilər. Bir də şəkərli diabetli xəstələrdə neyropatik ağrılar olur ki, uzunmüddətli, yüksək şəkərə bağlı sinirlərdə zədələnmə nəticəsində yaranır və xəstələr tərəfindən sümük ağrıları kimi ifadə oluna bilər, qarışdırıla bilər. Bu baxımdan xəstənin diqqətli və ətraflı araşdırılması vacibdir.